|
|
'मलाई त सार्है बोर भयो
कसैलाई काम नपाएर चिन्ता त कसैलाई काम बढी भएर टेन्सन । अभिनेत्री क्याटरिना
कैफलाई यस्तै भएको छ अहिले । एक महिनाभन्दा बढी भयो उनले रात गुजारेर सुत्न नपाएको । 'मलाई त सार्है बोर भयो काम धेरै भएर,' उनले भनिन् ।
पछिल्ला केही फिल्म हिट भएपछि क्याटरिन हिरोइनमध्ये सबैभन्दा बढी व्यस्त छिन् । कविर वेदीको नयाँ फिल्म सुटिङका लागि अमेरिकाको न्युयोर्क पुगेकी क्याटरिनाले त्यसको काम सकेलगत्तै शाहरुखको अर्को फिल्मका लागि दुबई जानुपर्ने भएको छ । घर नगएको त कति भो कति,' क्याटरिनाले भनिन् ।
मुम्बई फर्केपछि पनि चयनको जिन्दगी बिताउने सपना तत्काल सम्भव छैन । केही समय उनले लगातार काम गर्नुपर्ने पक्का भइसकेको छ । लामो समय घरबाहिर भएकाले घरको याद बढी आएको बताइन् क्याटरिनाले । 'घरका मान्छेले फोन गर्छन्, घर सम्झेर फोनमै रुन मन लाग्छ मलाई त,' उनले भनिन् ।
 |
|
