|
|
शेर्पालाई पोल्याण्डबाट फर्काइएको छ
विश्व शान्ति र वातावरण बचाऔ भन्ने नारा लिएर विश्व साइकल यात्रामा निस्किएका फूर्तेम्बा शेर्पालाई उनको यात्राको ४६ औ राष्ट्र पोल्याण्डबाट फर्काइएको छ ।
गत १२ नोभेम्बरका दिन लुथनिया हुदै पोल्याण्ड प्रवेश गरेका शेर्पाले ४६ किलोमिटर सम्मको यात्रा पूरा गरिरहेको अवस्थामा उनलाई १३ नोभेम्बरका दिन बोर्डर कन्ट्रोल पुलिसले आवश्यक कागजपत्र जाँचगरी ११ घण्टा नियन्त्रणमा लिएको थियो । उनको साथमा यूरोप घुम्न पाउने अनुमति पत्र भएपनि भाषा समस्याको कारण उनलाई पोल्याण्डबाट फर्काएर लिथुनियाको बोर्डरमा छाडिदिएको हो ।
शेर्पाले फोनबाट जानकारी गराए अनुसार उनले आजसम्मको यात्रामा सबैभन्दा गाह्रो अनुभव गरि रहेका छन भने अप्रत्यासीत फर्काइदिएको कारण अब कहा जाने कुनै टुङ्गो हुन सकेको छैन । उनको साथमा पर्याप्त खर्च पनि नभएको जनाएका छन् । शेर्पाले यस अघि बाल्टिक देशहरुको भ्रमण पूरा गरेका थिए । गत बर्षपनि यहि समयमा पोल्याण्डको भिषाको लागि निवेदन दिएको वेला भिषा अफिसले उनको पासपोर्ट हराइ दिएको उनले जानकारी दिएका छन् । |
|
