भारती नागरिकद्वारा नेपालीहरुको १ लाख डलर भन्दा वढी ठगी फरार
इजरायलको तेलअभिव शहरमा आजकल छ्यापछ्याप्ती भेटिने नेपाली गैरकानुनी दलालहरुलाई भिषा लगाईदिने भनी भारतीय नागरिकहरुद्वारा १ लाख डलरभन्दा वढी ठगी फरार भएका छन् ।
करीव तीव बर्षदेखि इजरायलमा केयरगिभरको रुपमा कार्यरत अजय र शामी नामक भारतीय नागरिकहरुले नेपाली दलालहरु जो इजरायलमा कामदार भिषामा आई गैरकानुनी रुपमा दलाली काम गर्ने गर्दछन् उनीहरुलाई भिषा लगाइदिने भन्दै मोटो रकम ठगेका थिए ।निज भारतीय नागरिकहरु अजय र शामीले २० वटा भन्दा वढी नक्कली भिषा रसिद (कवला) निकाली दश जना भन्दा वढी नेपाली दलालहरुको रकम कुम्ल्याएको हाम्रा सहकर्मी निर्मल श्रेष्ठलाई NRN इजरायलका अध्यक्ष भुवनसिंह कुंवरले जानकारी दिनुभयो ।उहाँले यसको सम्पूर्ण विवरण प्राप्त भैनसकेको पनि जानकारी गराउनुभयो ।
नेपाली गैरकानुनी एजेन्सीहरुले उक्त कुराको थाहा पाएपछि भारतीय नागरिकहरु अजय र शामीको पिछा गर्दै इजरायल अन्तराष्ट्रिय विमानस्थल सम्म पुगेका थिए, तर उनीहरुलाई फेला पार्न नसकेको थाहा हुन आएको छ ।
यसको करीव एक हप्ता अगाडि पनि भारतीय नागरिकहरुद्वारा नै करीव २७ हजार डलर ठगी गरेको पनि थाहा हुन आएको छ । यसरी इजरायलमा दिनप्रतिदिन नेपालीहरु ठगिने क्रम तिब्र रुपमा बढेको छ ।यसो हुनुको कारणहरु कामदार भिषामा इजरायलमा आई तिब्र धन कमाउने लालचमा गैरकानुनी रुपमा एजेन्सीको काम गर्ने नेपालीहरु, अन्य देशमा जान चाहने नेपालीहरु र गैरकानुनी रुपमा रेमिटान्सको काम गर्ने नेपालीहरु नै जिम्मेवार देखिन्छन । यसरी इजरायलमा खुल्लम खुल्ला गैरकानुनी तथा नेपालीहरुलाई प्रत्यक्ष रुपमा नेपालीहरुलाई र नेपाललाई असर पर्ने क्रियाक्लाप भइरहँदा पनि चुप लागेर बस्ने नेपाली राजदुतावास पनि त्यत्तिकै जिम्मेवार देखिन्छ ।
