|
|
 भारतीय सेनामा गोर्खा भर्ती बन्द
दुइ सय वर्षभन्दा लामो गोर्खा भर्ती परम्परा तोड्दै भारतले नेपाली युवालाई सेनामा लिन छाडेको छ । गोरखपुर भर्ती केन्द्रबाट नेपाली युवा भर्ती लिने गरिन्थ्यो । भर्ती बन्द गरिएको औपचारिक जानकारी दिइएको छैन तर नेपालीपुरमा भर्ती लिने गरिएको छैन । भारतीय सेनामा नेपाली युवालाई भर्ती नलिएको उल्लेख गर्दै सभासद एमएस थापाले शुक्रबारको व्यवस्थापिका संसद्को बैठकमा विशेष समय लिएर सरकारसंग समय मागेका थिए ।
भारतीय राजदूत राकेश सुदकाअनुसारले भर्ती बन्द गरिएको छैन, पदपूर्ति स्थान थोरै भएका कारण नेपाली युवालाई भर्ती लिने क्रम कटौती मात्र गरिएको हो । त्रिपक्षीय सन्धिलाई परिमार्जन नगरिएको पनि सुदले सभासद थापालाई पठाएको पत्रमा उल्लेख छ । सन् १९४७ मा नेपाल, भारत र बेलायतबीच भएको त्रिपक्षीय सम्झौताअनुसार भारतीय सेनामा नेपालीलाई भर्ना लिन थालिएको हो । भारतीय सेनामा कार्यरत नेपाली अफगानिस्तान, चीन, पाकिस्तान लगायत पछिल्लो पटक कारगिल युद्धमा समेत सहभागी भएका थिए |
|
