कामका लागि १७ महिनाअघि खाडी मुलुक कुवेत पुगेका भक्तपुर जिल्लाको दुवाकोट गाविस, वडा नं. २ का २६ बर्षीय दिनेश कार्कीको मृत्यु भएको छ । एघार दिनअघि कुवेतमा मृत्यु भएको कार्कीको शव घरमा ल्याई परिवारलाई बुझाएपछि शुक्रबार दाहसंस्कार गरिएको थाहाभएको छ ।
बहुराष्ट्रिय कम्पनी ग्रुप फोरमार्फत सुरक्षा गार्डको कामका लागि कुवेत पुगेका कार्कीको मृत्युको कारण भने कम्पनीले जानकारी नदिएको मृतकका छिमेकी कृष्णराम खड्काले बताउनुभयो । मृतका वृद्ध बाबुआमा, दुई बर्षे नाबालक छोरा र श्रीमती छन् । मृतकका परिवारले कम्पनीले क्षतिपूर्ति दिनुपर्ने माग गरेका छन् । | 
