अमेरिकाको भर्जिनियामा कृतिकाको दूर्घटनामा परी मृत्यु  नोभेम्बर १८

काठमाडौं हाँडिगाउँ घर भइ हाल अमेरिकाको भर्जिनिया इन्टरन्याशनल युनिभर्सिटी भर्जिनिया राज्यमा अध्ययनरत कृतिका सिंह २१, को सोमबार राती करिब ११ बजे मोटर दूर्घटनामा परी मृत्युभएको छ । भर्जिनियाको भियना नजिकै ६६ नामको हाइवेमा राती कामबाट कोठामा फर्किरहेका बेला उक्त दूर्घटना भएको थियो । हाइवेमा मेट्रेस खसेको र सिंहले चलाएको गाडि अगाडि बाटोमा खस्न पुगेको मेट्रेसमा ठोक्किन गई दूर्घटनाग्रस्त भएको सिंहकी साथी अल्का कटुवालले  जानकारी दिनुभयो । सिंहको साथमा रहेका अर्का एक नेपाली भने सकुशल रहेका थिए । करिव दुइ वर्षअघि अध्ययनका क्रममा अमेरिका आइपुगेकी कृतिका सिंहका पिता केशबबहादुर सिंहले आफ्नी छोरीको शब काठमाडौं पठाउन अनुरोध गर्नुभएको कुरा सिंहकी साथी अल्का कटुवालले बताउनुभयो । मृतकको शब काठमाडौं पठाउनका लागि स्थानीय संघसंस्था तथा सर्वसाधरण सम्पूर्ण नेपालीहरुलाई सहयोग गर्न समेत साथी अल्का सिंहले आग्रह गर्नुभएको छ ।