|
|
नयाँ संबिधान जेठ भित्रै भन्ने
नोवेम्वर १६/
संविभानसभा कार्यव्यवस्था परामर्श समितिले आगामी २०६७ जेठ पहिलो साता भित्रमा संविधान लेखन कार्य सम्पन्न गर्नेगरी संविधान लेखनको कार्यसूची पारित गरेको छ ।
यसअघि वर्षको जेठ १४ गते सम्पन्न गर्नेगरी संविधानसभा सचिवालयले बनाएको कार्यसूचीमा सामान्य परिवर्तन गरी आज बसेको बैठकले जेठको पहिलो साता संविधान निर्माण सम्पन्न गर्ने निर्णय गरेको हो । यसैगरी आगामी १३ गते संविधानसभाका उपाध्यक्षको निर्वाचन गर्नेपनि निर्णय गरेको एमाले मुख्य सचेतक भीम आचार्यले जानकारी दिए ।
आजैको संविधानसभाको बैठकले यो कार्यसूचीलाई अनुमोदन गर्नेछ । कार्यव्यवस्था परामर्श समितिको बैठकले संविधान निर्माणका क्रममा जनतासँग गरिने आतरक्रियाको समय पनि थपगर्ने निर्णय गरेको छ । व्यवस्थापिकाको हैसियतमा संविधानसभाको बैठक सकिएपछि संविधानसभा बैठक बसेको हो ।
व्यवस्थापिको बैठक भर्खर सुरू भएको छ । बैठकको विषेश समयमा बोल्दै नेपाली काङ्गे्रसका लक्ष्मण घिमिरेले प्रधानमन्त्रीको भारत भ्रमणका क्रममा भारतीय प्रधानमन्त्री डा.मनमोहन सिंहसँगको भेटमा भएका अहिलेसम्म पनि सदनमा जानकारी नगराइएको आरोप लगाउदै अविलम्व जानकारी गराउन माग गरे ।
व्यवस्थापिकाको बैठकमा अर्थमन्त्री डा. बाबुराम भट्टराइले राष्ट्र ऋण उठाउने विधेयक २०६५ र ऋण तथा जमानत सोह्रौ संशोधन विधेयक २०६५ पारित गरियोस् भनि प्रस्ताव पेशगर्ने कार्यक्रम रहेको छ । आजदेखी संविधानसभा बैठकको सुरूमा राष्ट्रिय गान बजाउन सुरू गरिएको छ ।
यसैगरि आगामी १३ गते संविधानसभाका उपाध्यक्षको निर्वाचन गर्ने निर्णय पनि बैठकले गरेको छ । कार्यतालिकालाई आजै बस्ने संविधानसभाको बैठकले पारित गर्ने कार्यक्रम रहेको छ । यसैगरी, संविधानसभा व्यवस्थापिकाको बैठक अहिले संविधानसभा भवन नयाँबानेश्वरमा बसिरहेको छ भने बैठकमा अहिले विशेष समय चलिरहेको छ ।
मुलुकको नयाँ संविधान निर्माण प्रक्रिया आजदेखि औपचारिक रूपमा सुरु हुँदैछ । संविधान निर्माणको कार्यतालिका सार्वजनिक गरिएपछि आजैदेखि नयाँ संविधान निर्माणकार्य औपचारिक रूपमा सुरू भएको मानिने छ । शुक्रबार बसेको संविधानसभाको पूर्ण बैठकले संविधानसभा नियमावली पारित गरेपछि संविधान निर्माणको वैधानिक बाटो खुलेको हो । |
|
