काठमाडौं, १४ साउन/ प्रमाणपत्र तह हटाउने त्रिभुवन विश्वविद्यालयको निर्णयविरुद्ध आन्दोलनरत एघार विद्यार्थी संगठनले शुक्रबार त्रिभुवन विश्वविद्यालयको मूल गेटमा धर्ना दिएका छन् । विहान दस बजेदेखि धर्नामा बसेका विद्यार्थीहरुले नाराबाजीसमेत गरेका छन् । धर्नाका कारण विश्वविद्यालयका प्राध्यापक तथा कर्मचारीहरु भित्र पस्न पाएका छैनन् । उपयुक्त विकल्प विना प्रमाणपत्र हटाउने निर्णय गरेको विरोधमा ठूला तीन दल बाहेकका विद्यार्थी संगठनहरुले हिँजो त्रिभुवन विश्वविद्यालयका उपकुलपति, रेक्टर र रजिष्ट्रारलाई झण्डै पाँच घण्टा नियन्त्रणमा लिएका थिए ।