के तपाइर्लाई थाहा छ ? पुरुषको तुलनामा महिलाका हातगोडा चिसा हुन्छन् भन्ने । किन होला पुरुषको तुलनामा महिलाका हातगोडा चिसा हुने गरेको ? यसमा के कारण हुन सक्ला ? यस्ता जिज्ञासा महिला तथा पुरुषले चिकित्सकलाई धेरै राख्ने गरेका छन् भने मानिसले यसबारे आ-आफ्नै तर्क दिने गरेका थिए । तर, अब यसको वास्तविक कारण पत्ता लागेको छ ।
सिकागोको नर्थ वेस्र्टन मेमोरियल हस्पिटलले लामो अध्ययन गरेर यसका कारण पत्ता लगाएका छन् । हस्पिटलका मुटुरोग विशेषज्ञ डा. मार्क एस्कान्डारीका अनुसार, पुरुषको तुलनामा महिलाका हातगोडा चिसा हुनुमा रक्तसञ्चार कारण रहेको छ । उनी भन्छन्, 'यसको दोष सम्पूर्ण दोष रक्तसञ्चार प्रक्रियालाई दिँदा हुन्छ । महिलाका हातगोडामा रक्तसञ्चार नियन्त्रण्ा गर्ने स्नायु पुरुषमा भन्दा बढी संवेदनशील हुन्छ । त्यसैले तापक्रम झरेर वातावरण चिसो हुनासाथ रक्तनलीहरू खुम्चिन थाल्छन् र तातो रगतको बहाव सुस्त हुन थाल्छ । फलतः उनीहरूका हातगोडा चिसा हुन्छन् ।'
अध्ययनमा भनिएअनुसार, महिलामा पुरुषको तुलनामा रक्तचाप पनि कम हुन्छ । उदास एवं चिन्तित रहँदा उनीहरूको रक्तचाप घट्छ र रगत हातगोडाभन्दा पर मुटुतर्फ र्फकन थाल्छ र हातगोडामा चिसोपन आउँछ । केही विशेषज्ञ महिला मुटु र मुत्राशयमा ताप राखिराख्न सक्ने भएकाले उनीहरूले भ्रुण्ालाई संरक्षण्ा गर्न सकेको धारण्ाा पनि राख्छन् । | 
